LITURGI PENGATAKEN BUJUR NGEMBAH MANUK MBUR GBKP (BAHASA KARO)

Liturgi pENGATAKEN BUJUR IBAS NGEMBAH MANUK MBUR

Terkelin Didong Doah Simada Tarigan

&

Eka Teresya Afribina Br Ginting

Ielai

Pdt. Frebin Thearona Sembiring S.Si (Theol)

1.     KATA PENARUH           (Ibabai Pertua/Diaken)

Turang ras senina, sikataken bujur man Dibata erkiteken lias ras perkuah ateNa kita kerina banci pulung ibas ingan enda radu ras kerina keluarganta. Kepulungenta i bas ingan enda tangkas i bas Dibata ras man banta kerina. Meriah ukurta erkiteken enggo icidahken Dibata kuasaNa ku tengah jabu kekelengennta si Terkelin Didong Doa Simada Tarigan ras Eka Teresya Afribina Br Ginting erkiteken ibas perjabunna ibere Dibata man ndehara guna natang tuah. Enda me ndube toto kalimbubu gelah jumpa anak dilaki ras jumpa anak diberu. Erkiteken sie kerina keluarga ermeriah ukur ibas ngaloken pasu-pasu Tuhan e ikut pe ras perpulungen. Mari ras kita ertoto ...........

2.     Bernyanyi KEE 201 MALEM ATE TUHU-TUHU

Malem ate tuhu-tuhu si ernalem man banndu

Kam Dibata si njadiken langit ras doni enda

sal-saliNdu pusuh kami maka trangNdu tergejap

kalak si tek la kap bene ban kelengNdu e tetap

Matawari bulan bintang Kam nepasa jadi trang

doni enda dem isina labo kai pe si kurang

Krina si erkesah gia nggeluh i doni enda

bagi si ngerana nina "Kam Tuhan si madasa"

3.       VOTUM & SALAM

L: Ibas gelar Dibata Bapa simereken kegeluhen man bandu, ibas gelar anakNa Yesus Kristus si enggo encidahken kekelengenNa man bandu, ibas gelar Kesah  Si Badia si mereken gegeh man bandu guna tetap encidahken kekelengenNa. Perkuah ate ras dame ibas Dibata Bapa ras AnakNa Yesus Kristus ras kerembaken kesah Si Badia. Amin

J:   A...min... A...min... A..min (Iendeken)

4.     BERITA KERNA PERBAHANEN DIBATA KU TENGAH JABU

L: Aku kap TUHAN si nepa kam; si njadiken kam i bas bertin nari ras si nampati kam. Ola kam mbiar sabap kam kap suruh-suruhenKu, bangsa si Kupilih, kekelengenKu. (Yes 44:2)

Meriah ukurta erkiteken Tuhan si njadiken kita ras milih kita jadi sikerajangenNa emaka di puji Tuhan ibas  KEE 199 SENANG GUNDARI GELUHKU

Senang Gundari geluhku ban Tuhan negu langkahku

ku ja pa pe perdalanku tetap tanna gelemenku

Tuhan nemani Geluhku cikepNa tanku meteguh

Dibata pengendesenku ibas tanNa aku nggeluh

5.     PUJI-PUJIN KERNA PERBAHANEN TUHAN SI MBELIN

L: Turang ras senina enggo tangkas man banta kuasa Dibata si mbelin, ija ibas bertin nande tengah jabu enda enggo ijadiken Dibata sekalak anak guna jadi sinursur jabu ras nambahi keriahen kerina keluarga ras perpulungen

Sukut: Ipuji Kami Kam Tuhan ibas kuasaNdu si mbelin, ijujuriNdu pasu-pasu man kai arah mereken tuah ku jabu kami. Kam kap ngenca Tuhan si ngasup erbahan si bage man kami, Terpujilah Tuhan

Kalimbubu: Ipuji kami Kam Tuhan, sebab enggo idengkenNdu pertoton kami, anak kami si dilaki ras si diberu enggo jumpa tuah ibas pemasu-masuNdu. Terpujilah Tuhan

Anak Beru: Ipuji kami Kam Tuhan, sebab kam kap si numpak-nupak perjabun kekelengen kami si dilaki ras sidiberu seh maka ipetunggungkenNdu ia duana ngaloken tuah ibas Kam nari. Terpujilah Tuhan

P: : Ipuji kami Kam Tuhan, sebab Kam kap ulu tuah ibas geluh kami.Terpujilah Tuhan

L: Mari sipuji Dibata erkiteken kuasa ras pasu-pasuNa arah  ende-endenta: KEE  212 PERKUAH ATE SIMBELIN

Perkuah ate si mbelin nemani geluhku

ije me aku erdalin teruh perkuahNdu

Perkuah ate simbelin si mahan dame e

bengketi pusuh kami min lah kami senang je

6.     KHOTBAH

7.     PERSEMBAHAN PENGATAKEN BUJUR

L: Kata Dibata si jadi palas i bas kita ngendes persembahen pengataken bujur:  Situhuna, Tuhan kap si mereken anak-anak e, pasu-pasu i bas TUHAN nari kap ia. (Maz 127:3)

Tupung kita ngendesken persebahenta rende kita ibas KEE 471 ERMENGKAH UKURKU

Ermengkah ukurku ras ngataken bujur Tuhan

kelengi min aku, kam empu geluhku

enda ngenca Tuhan persembahenku

kerina geluhku kesah ras kulangku

la kap lit bas aku erta kebayaken si cukup meherga lah ku persembahken

sada ngenca Tuhan lit pemindonku

aloken min Tuhan persembahenku

pakeken geluh ku jadi perkakasNdu

segedang geluhku

8.     PERTOTON PERSEMBAHEN

9.     KALIMBUBU NGENDESKEN PANGAN MAN SI NATANG TUAH

Kalimbubu: enda anakku, reh kami kerina orang tuandu, kalimbubu ras sangkepndu si arah kami kerina maba nakan man banndu anakku, gelah ibas kap sanga la megegeh, seh min kerina sura-suranta. Mekuah ate Dibata kam pe sehat-sehat. Janah arihndu pe ras kela ula si ganjang teruken, gelah pemere Dibata si lenga si idah epe anakku bagi ukurta lah pagi kerina, salang sai dalin si mbelin. Juah-juahen kam pagi seh mupusken tuah, ula pusuhndu.

Si natang Tuah: Ue nande, ue eda, kualoken kal sura-surandy e janah sada kal ukur ras kelandu/turangkundu ngaloken kerehenndu, mbera-mbera mekuah ate Dibata man bannta kerina seh kal sura-suranta kerina. Pusuh kami pe labo ermenek-menek ras ermorah-morah, malem kal ate kami ngaloken  kerehendu.

10.ERTOTO

11.RENDE 379 TUHAN TETAP NEMANI GELUHKU

Tuhan Tetap nemani geluhku dingen mereken dalan man bangku

ernalem gelah tetap ras ertoto man bana

Tuhan Tetap nemani geluhku

Tuhan tetap nemani geluhku dingen mereken dalan man bangku

Enda me kegeluhenku ku endesken man banndu

Tuhan tetap nemani geluhku

12.PERTOTON TUHAN

13.PEMASU-MASUN